Dead on the spot ang babaye nga drayber ingon man naangol ang 16-anyos nga angkas human gibanggaan ang motorsiklo niini sa LGU truck nga iya sa LGU Danao pasado alas 6 sa kagabhion didto sa Purok Timbangan , Brgy. Guinacot dakbayan sa Danao.
Ang nakalas nailhan nga si Menirva Giangan, 37-anyos , manikurista ug residente sa Purok Santan Lower, Brgy. Quisol , dakbayan sa Danao.
Samtang ang 16-anyos nga angkas niini nga nakaangkon og grabe nga pagkaangol daling gidala sa Vicente Sotto Memorial Medical Center alang sa medikasyon.
Sa imbestigasyon sa kapulisan sa dakbayan sa Danao , nasayran nga samtang nagdulhog ang LGU truck kalit lang nga nawad-an og kontrol ug mibangga sa motorsiklo.
Ang LGU truck gi-drayban ni Teodoro Capuyan, 64-anyos, taga Brgy. Dunggoan sa naasoyng dakbayan.
Gikustodiya na sa Danao City Police Station ang drayber samtang mipahigayon pa og dugang imbestigasyon ang kapulisan kabahin sa insidente. | Sheila Mae Altubar
