Ginpasidungan ang Local Government Unit sang Tapaz bilang first runner up sa DILG UPRISE Award 2023, nga ginhiwat sang tinalikdan nga Desiyembre 11, 2023 sa Iloilo City.
Ang nasambit nga pagpasidungog ang isa ka pamatood sa implementasyon, monitoring kag evaluation sang FALGU ukon Financial Assistance to Local Government Units Projects para sa tuig 2021.
Nagapakita man nga ang Tapaz ang isa sa 14 ka mga kabanwahanan kag siyudad sa rehiyon nga gin-acknowledge sang DILG bangud sa dako nga kontribusyon sa community development kag epektibo nga pagpatuman sang local governance.
Nahibaluan, kalakip man ang LGU Sigma kag ang Roxas City sa mga awardees nga ginpasidungan nagikan sa probinsya sang Capiz. | KMD Gicalde
