Ginkilaea ro LGU Tangalan sa pagpamuno ni Mayor Gary Fuentes bilang Top 6 sa bilog nga probinsya it Aklan sa blood donation rate for 2021-2022.
Naabot eon it banwa it Tangalan ro target nga koleksyon it dugo nga indi magnaba sa 1% it kabilugan nga populasyon para sa 2022.
Ro kadaeag-an ngara hay resulta it pagpursige ag suporta it bilog nga LGU ag tanan nga Barangay Councils sa pagpamuno it andang Punong Barangays sa Voluntary Blood Donation Program it munisipyo, kamana man ro pagtinguha it healthcare workers ag iba pang partners, ag kooperasyon ag kabaganihan it Tangalanons nga nag donar it andang dugo para makasalbar it kabuhi.
Ro ap-at nga barangay nga umabot sa target nga koleksyon it dugo nga 1% para sa dag on 2022 hay ro Brgy. Baybay, Jawili, Panayakan ag Tondog. // ANN DESLENE SALAZAR
