Nagpakita it full support ro gobyerno probinsyal it Aklan sa ginpatigayun nga selebrasyon it World Day Against Trafficking in Persons kadungan it Flag Raising Ceremony ku Lunes, Hulyo 31.
Pinaagi it sangka Pledge of Commitment, ginpakita it mga empleyado ro andang pagsuporta sa Blue Heart Campaign nga may temang: Reach Every Victim of Trafficking, Leave No One Behind kung siin, hugot ro andang panawagan nga wakasan eon ro maeapnagon nga Human Trafficking sa kalibutan.
Ro Blue Heart Campaign hay sangka simbolo it kasubo ag pagkabaeaka sa mga biktima it trafficking in persons ag pagkondena sa mga traffickers.
Gin umpisahan raya it 1997 ag ginpakilaea sa publiko ku Marso 2009 it United Nations Office on Drugs and Crime.
Eubusan nga ginakondena it Aklan Provincial Government ro Human Trafficking nga nagakatabo ag padayun ro kampanya kara nga tapuson eon ro pagpang abuso sa bilog nga kalibutan. // ANN DESLENE SALAZAR
