GIPANINGKAMUTAN sa LGU-Sarangani nga makab-ot ang pagka level 2 hospital sa Sarangani Provincial Hospital.
Kini ang gibutyag ni Dr. Napoleon Amadeo, Officer in-charge sa provincial hospital nga ginahulat na lamang nila karon ang pag-abot sa fluoroscopy machine nga gipalit gikan sa China.
Gipaklaro niini kung moabot na ang maong machine, ipasuta pa nila sa DOH ug didto na paaprobahan ang pagpataas sa level sa provincial hospital.
Una nang gibutyag ni Sarangani Provincial Health Officer Dr. Arvin Alejandro nga sulod sa unang 100 days ni Gov.Ruel Pacquiao mahimo nang level 2 ang Provincial Hospital sa Sarangani.
Sa pagbana bana ni Amadeo nga Agosto moabot ang maong machine nga usa sa rekisitos aron mahimong level 2 hospital.
Samtang giangkon usab nga paigo ang mga doctor sa provincial hospital gawas sa nurses nga may kakulangon apan ilaha na lang matud pang gina-maximize.
