ANAA pa lang sa 75 percent sa total target miaging school year ang enrollment sa GenSan sa both public and private schools.
Kini ang gibutyag ni Romelito Flores, Deped GenSan Schools Division Superintendent sa natala nga 134,536 enrollees as of August 15 itandi sa 151,047 miaging tuig.
Masayran matud pa kung milampas sa 100 percent nga usbaw sa enrollees miaging tuig kung makuha na ang datos sa musunod nga adlaw hangtud sa opening sa klase sa Agosto 22.
Dugang ni Flores sa karon, nagpadayun ang Brigada Eskwela aron nga maandam ang mga tulunghaan sa abli sa klase.
Sa pagkakaron, anaa matud pa sa 23 ka elementary public schools sa GenSan ang magpahigayon og full face to face classes samtang walo sa secondary school.
Ang mga tulunghaan nga mag-full face to face classes sugod sa Agosto 22 mao ang mga anaa sa lagyong lugar ug gamay ang enrollment nga sarang madumalahan ang social distancing.
Segun ni Flores, usa sa mahimong hagit matud pa kanila ang pagpatuman sa Deped order nga full face to face classes na sa Nobyembre 2, kung dili walaon ang 1 meter rule sa health protocol apan may opsyon gihapon sama sa shifting sa klase.
