LEGAZPIC CITY – Nagtetenir na positibo an lokal na gobyerno kan Manito, Albay sa ibong kan pagkasulo kan saindang float truck na ilalaban kuta na sa Float Parade and Competition sa nakalihis na Magayon Festival kan nagtalikod na semana.
Segun kay Carol De Guzman kan LGU Manito sa intrevista kan Brigada News FM Legazpi, dawa ikinamundo nindang gabos an pangyayari, pighihiling ninda an positive and bright side kani, kun sain nin huli sa insidente, mas nabisto sa nasyon an saindang banwaan asin nagtatak an disensyong dragon kan float na minasimbolo sa boiling lakes asin pag-angat kan lugar.
Kun marurumduman, pirang oras antes an parada kan Mayo 31 kan nasulo an float truck sa may kurbadang tinampo sa Brgy. Taysan, Legazpi City, asin presente pa ining pinag-iimbestigaran kan mga otoridad.
