LEGAZPI CITY – Nagsagawa ang lokal na pamahalaan ng Legazpi City ng isang outreach program para sa mga babaeng persons deprived of liberty (PDL) ng City Jail.
Pinangunahan nito Mayor Geraldine Rosal upang magbigay ng simpleng regalo sa PDLs.
Ayon sa alkalde, ang regaling inihandog ng kanilang tanggapan sa mga kababaihang na nasa kulungan ay upang ipakita at maipadama sa kanila ang pagmamahal, at kahalagahan.
Aniya, maging sila rin ay nangangailangan ng tulong at wala umano itong pinagkaiba na nasa labas ng kulungang namumuhay nang simple, at may mga personal na bagay din silang kailangan habang nasa loob ng piitan.
Taun-taong isinasagawa ng LGU ang aktibidad na ito tuwing nagdiriwang ng Women’s month, habang aabot naman sa 40 PDLs ang nabigyan ng regalo.
Pinasasalamatan naman ng PDLs ang LGU sa pagbibigay-tulong sa kanila.
