KALIBO, AKLAN—Nakikipag-negosasyon eon sa makarun do LGU Kalibo sa pilang vaccine supplier agud nga makabakae it bakuna kontra sa COVID-19.
Ginpaabot ni Mr. Rey Villaruel, Municipal Treasurer ag vaccine czar it Kalibo nga sambilog eon kara do Bharat Biotech sa nasyong India nga imaw do nagdevelop it ginatawag nga Covaxin.
Dugang pa ni Villaruel, do nasambit nga kompanya hay kayang mag-supply it bastanteng bakuna bangud nga do mga naunang kompanya kapareho it AstraZeneca, Pfizer, Moderna ag iba pa hay indi eon makapag-supply sa mga local government units.
Samtang, ginaumpisahan man eon nanda sigon sa LGU nga ma-generate do numero it mga nakabunahan sa tanan nga barangay kadungan sa pagpanawagan sa mga Kalibonhon nga magparehistro sa andang tagsa-tagsa ka mga barangay agud nga mahuyap sanda sa pagabak-eon nga bakuna. // SHERRY ANNE REUNIR-VIDAL
