Nagklaro si Engineer Marlo Villanueva, Municipal Planning and Development officer it LGU Kalibo kaangot sa kontrobersyal nga pagpaistar ni Brgy. Kapitan Paeng Briones sa pamilya Villorente sa National Housing Authority (NHA) sa Brgy. Briones, Kalibo.
Sa pag-imbestiga it taeatapan ni Engr. Villanueva hay nakumpirma nga gin-istaran raya it pamilya Villorente nga taga banwa it Libacao, Aklan ag may pahanugot ni Kapitan Briones.
Ro nasambit segun hay tikang hay klaro nga illegal o unlawful bangud owa it tamang koordinasyon sa nagakaigo nga ahensya.
Ro property nga ginpaistaran sa pamilya Villorente, hay ginapanag-iyahan ni Mrs. Milrose Arellano nga namatay eon.
Ngani kung humanitarian consideration segun ro ginpa-iral ni Kapitan Briones sa pamilya Villorente, makara man ro ginpairal it LGU Kalibo sa pamilya Arellano nga tag-ana it property.
Ro nasambit nga mga benepisyaryo sa pabahay sa Brgy. Briones hay mga naapektuhan it bagyong Yolanda ag puro mga Kalibonhon. / ANN DESLENE SALAZAR
