GIPADALHAN og memorandum sa local government unit (LGU) ang kapulisan sa GenSan dungan sa isyu sa erasure sa citation ticket.
Matud ni Zenaida Eturma, labaw sa City Treasurer Officer dunay mga nakita sila nga dunay erasure sa citation ticket sa traffic violators.
Duna usab nakaabot kanila nga sumbong asa nakita nga dunay erasure partikular sa kantidad sa bayronong penalty.
Ang pahinumdom ni Eturma nga gi-address niini kang Police Col. Nicomedes Olaivar Jr., director sa GenSan City Police Office (GSCPO). Ang aron masultihan niya ang mga sakop sa TEU nga likayan ang paghimo niii aron usab malikayan ang duda nga dili maayo.
Sa bahin ni Police Col. Nicomedes Olaivar Jr., director sa GSCPO andam siya nga paimbestigahan ang kalabut sa isyu.
Nagtuo siya nga dunay erasure sa public documents sama sa citation ticket kinanglang nga pirmahan kini sa apprehending officer.
Sa memo ni Eturma, napatik nga bag-o pa man giisyu ang citation ticket duna nay instruksyon sa paggamit niini. I Richel Gubalani
