LEGAZPI CITY – Nagsagawa ng area assessment ang Municipal at Barangay Composite Teams sa mga magsasagawa ng face to face classes na paaralan.
Ayon sa Local Government Unit ng Camalig, naghahanda na ang Caguiba at Cotmon National High Schools (NHSs) sa nalalapit na pagbubukas ng progresibong pagpapalawak nang face to face classes.
Ang nasabing aktibidad ay isinagawa upang matiyak ang kahandaan ng mga paaralan na lumahok sa pilot na pagpapatupad ng f2f learning bilang pagsunod sa Division Memorandum No. 37, s. 2022 ng Department of Education (DepEd), na inuulit ang mga alituntunin sa paghahanda para sa f2f learning, expansion, at transition sa New Normal.
Bilang pandagdag sa kamakailang mga direktiba ng DepEd, naglabas ang LGU-Camalig ng Executive Order No. 10, s. 2022 na sadyang pakilusin ang mga tauhan sa ilalim ng Municipal Health Office (MHO), Municipal Disaster Risk Reduction & Management Office (MDRRMO), Municipal Engineering Office (MEO), Philippine National Police (PNP), at mga lokal na opisyal upang magsagawa ng mga interbensyon na nakatuon sa kalusugan ng publiko, kaligtasan, at kapayapaan at kaayusan.
