CAMARINES NORTE- Inaprobahan ng Sangguniang Bayan ng Basud, Camarines Norte ang hiling ng Alkalde na pumasok sa isang Memorandum of Understanding sa pagitan ng iba’t- ibang ahensiya ng gobyerno kaugnay sa implementasyon ng mga programa kontra ilegal na droga partikular ang tungkol sa Balay Silangan.
Ang naturang Memorandum of Understanding ay sa pagitan ng LGU- Basud, Philippine Druf Enforcement Agency Region V, Department of Social Welfare and Development, PNP Camarines Norte, Basud PNP at Department of Education.
Kasama rin sa naturang kasunduan ang Department of Education, Technical Education Skills Development Authority, Department of Trade and Industry at Municipal Health Office.
Ayon kay Councilor Pablo Ablaneda kasama sa kasunduan ang paglalagyan at pag asikaso sa mga kabataan na inaabuso.
Aniya mayroon namang existing na Balay Silangan ang LGU kaya wala namang financial liability ang LGU sa pagpasok sa kasunduan partikular ang implementasyon ng Dangerous Drug Board Regulation No. 2, series 2018 o ang patungkol sa Balay Silangan.
Nakapaloob sa naturang regulation ang Guidelines for Community Involvement in reforming drug offenders into self- sufficient and law abiding members of society.
