LEGAZPI CITY – Tubod an Office of the Vice Governor (OVG) kan Albay na kun igwang dapat baguhon sa Konstitusyon, iyo dapat an ‘length of stay’ kan mga nagseserbisyo-publiko sa Pilipinas.
Ini an sinabi ni Vice Governor Glenda Ong Bongao sa Brigada News FM Legazpi.
Segun saiya, kun pag-ooralayan an pag-amyendar sa Konstitusyon sa economic side, dakol pa su boot na probisyon nganing baguhon ini.
Kaya para saiya, mas dapat tutukan an laba kan pagtenir kan mga opisyales kan gobyerno sa nasyon.
Haliputon kaya su boot an tulong taon sanang pagtukaw.
Sinabi ni Bongao, kaipuhan baguhon an term limit.
Wara man su boot saiyang problema kun duwang termino na sana, alagad gibuhon man kutang limang taon an kada termino kan gabos na elehidong opisyal.
Dugang pa niya, sa kahaluyan man kan eksistidong Konstitusyon, ini naman an panahon nganing magkaigwa nin Charter Change.
