LEGAZPI CITY – Preparado na an mga personahes kan Legazpi City PNP nganing mamantenir an matrangkilong Barangay asin Sanguniang Kabataan Election (BSKE) 2023 sa siyudad sa maabot na Oktubre 30.
Saro sa mga lakdang kan hepatura an mga inisyal na deployment kan mga personahe kun sain padagos man an pakikipagtabangan kan mga ini sa mga allied agencies.
Segun kay Operation Officer PCapt. Matthan Lagud, igwa na sindang pigpreparar na deployment plan sa mga gagamiton na presinto orog na sa mga areas of concern sa syudad.
Sinabi pa ni Lagud, maigot an saindang paghiling sa Brgy. Cagbacong na nakalaog sa red category, mantang nasa orange category man an mga barangay kan Homapon, Mariawa, Taysan, Banquerohan asin Bariis.
