LEGAZPI CITY – Isang karagdagang kaso ng COVID-19 ang nairehistro sa lunsod ng Legazpi sa lalawigan ng Albay kahapon, Agosto 28, 2022.
Ito ay batay sa datos na ipinalabas ni Albay Governor Noel Rosal mula sa Albay Provincial Health Office.
Kung titingnan ang datos, hindi umabot o lumagpas man sa sampung bilang ng kaso ng naturang sakit ang nabanggit na lunsod nitong nakaraang linggo, kung saan 2 kaso ang naitala rito noong Sabado, 6 noong nakaraang Biyernes, 9 noong Huwebes, 4 noong Miyerkules, 6 noong Martes, habang wala namang naitalang kaso noong Lunes.
Sa kabuuhan, 10 bagong kaso ang naitala sa buong lalawigan ng Albay kahapon.
Paalala pa rin ng PGA, ang palagiang pagsunod sa mga health protocols.
