BICOL— “I will announce in due time.” Ito ang tugon ni Alkalde Noel Rosal sa mga katanungan ng media hinggil sa posibilidad ng pagtakbo nito sa pagka gobernador sa probinsya ng Albay.
Ayon sa alkalde, sakali mang magdesisyon siyang tumakbo, papasukin niya ang mas mataas na posisyon hindi upang manira dahil lahat naman umano ng mga nag-aambisyong tumakbo ay may mabuting intensyon.
“If ever magdecide ako, I will put myself in the eye of every Albayano as an alternative”, saad ng alkalde.
Gagamitin niya rin umano ang kanyang mga naging karanasan bilang alkalde sakali mang tumakbo siya sa pagka gobernador.
Hindi nito sinabi kung kelan ang kanyang magiging pormal na deklarasyon pero asahan umano ang kanyang anunsyo bago ang filing ng Certificate of Candidacy sa Oktubre 1.
Ang pahayag ay kasabay ng isinagawang ground breaking ceremony sa gagawing water system project sa isang barangay sa lungsod.### || slm, with reports from BNFM Legazpi
