KALIBO, AKLAN—Ginpaguwa eon it Department of Education do 59 eskwelahan nga napili-an sa 638 nga nominadong eskwelahan para sa pagpatigayon it pilot implementation it face-to-face classes nga magaumpisa sa Nobyembre 15, 2021 base sa rekomendasyon it Department of Health (DOH) sa DepEd.
Sa nasambit nga mga eskwelahan, naeakip kara do Laserna Integrated School sa banwa it Nabas, Aklan; Igsoro Elementary School (Bugasong) ag Mayabay Elementary School (Barbaza) sa probinsya it Antique.
Nasayuran nga do mga napili hay maid-id nga gin-inspeksyon it DOH Epidemiology Bureau ag ginkilaea nga minimal o low risk, base sa Alert Levels it mga probinsya/highly urbanized cities (HUC)/ independent component cities (ICC) ag risk category it munisipalidad ag kamana man siyudad. // SHERRY ANNE REUNIR-VIDAL
