Tadtad ng tama ng bala sa katawan ang tinamo ng isang lalaki matapos itong pagbabarilin
Nangyari ang insidente, alas 08:00 ng gabi ng Linggo, Agosto 18, 2024 sa Sitio Camansi, Brgy. Inayagan, Naga City, Cebu.
Kinilala ang biktima na si Alyas Niano, 35-anyos, residente ng Purok Balisong sa nasabing barangay.
Sa imbestigasyon, sakay ng motorsiklo ang biktima nang nilapitan ito ng dalawang lalaking sakay din ng motorsiklo.
Matapos ang pag-uusap bumaba ang angkas at pinagbabaril ang biktima, mabilis namang tumakas ang dalawang suspek.
Sa ngayon, patuloy ang imbestigasyon ng kapulisan.
