Sugatan ang isang pedestrian matapos itong mabundol ng closed van sa Barangay Bukal Sur, Candelaria, Quezon nitong Linggo, Hulyo 7.
Ayon sa report, tumatawid umano noon ang 58-anyos na biktima nang mabundol ito ng nasabing sasakyan na minamaneho ni alyas “Ahl”.
Nagtamo ng injury sa iba’t-ibang bahagi ng katawan ang biktima kung kaya isinugod ito sa hospital para malapatan ng lunas.
Samantala, bukas naman ang magkabilang panig sa pagkakasundo sa mga usapin hinggil sa aksidente.
