TANGGONG na sa selda sa presinto sa kapulisan sa Alabel, Sarangani Province ang usa ka lalaki human nasikop sa operasyon.
Sa impormasyon sa presinto, nasikop nila si alyas Arky, 35-anyos, minyo, taga Purok Blaan, Barangay Alegria, Alabel.
Gidakop ang maong indibidwal pinaagi sa pagpatuman sa warrant of arrest kasong qualified theft.
Matud ni Police Lt. Col Reynaldo Delanten, hepe sa presinto sa lugar gipahibalo nila ang dinakpan sa iyang constitutional rights sa kaugalingon niining dayalekto.
Samtang naa usab sa P24,000 ang girekomendang pyansa sa korte sa probinsiya alang sa temporaryong kagawasan sa dinakpan.
Dugang ni Delanten nga gipakusgan nila ang operasyon sa pagpangeta sa mga indibidwal nga dugay nang gipangeta sa balaud.
Miapela kini sa mga indibidwal nga dunay mga pending case nga motahan na sa kapulisan. I Richel Gubalani
