Patay ang isang lalaki matapos itong barilin habang papauwi ng kanyang bahay sa Barangay Talisay, San Andres, Quezon nitong Martes, Mayo 7.
Sa isinagawang imbestigasyon ng awtoridad, lumalabas na naglalakad noon ang biktimang si alyas “Alvin”, 25-anyos, nang barilin ito ng suspek.
Isinugod sa hospital ang biktima subalit idineklara rin itong dead on arrival.
Sa ngayon, may person of interest na ang mga awtoridad at nagpapatuloy pa rin ang isinasagawang imbestigasyon hinggil sa insidente.
