Wala ng buhay nang matagpuan ang isang lalaki matapos umano nitong malunod sa ilog sa Barangay Talao-Talao, Lucena City.
Ayon sa report, bandang alas-7:00 ng umaga nitong Mayo 27 nang matagpuan ang katawan ng biktimang si Archie Miguel, 22-anyos.
Napag-alaman na hapon noong Mayo 26, naglangoy umano sa ilog ang biktima kasama ang kaniyang mga kapitbahay nang lumubog ito dahil sa malakas na alon ng tubig.
Samantala, dinala na sa punerarya ang labi ni Archie na posible umanong biktima rin ng bagyong Aghon.
