Pilas sa tuo nga tudlo kag tuo man nga bahin kang busong ang naagum kang sangka lalaki matapos nga magtambag sa ginamo sa Brgy. Esperanza, Culasi, las-2:00 sa kasanagon , Mayo 22,2024.
Ginkilala ang biktima kay Joseph Pongyan,33-anyos nga lalaki, single, welder kang residente kang amo man nga lugar samtang ang suspek naman ang ginkilala kay Leonard Eraga, sa legal nga pang-edaron kag residente naman kang Brgy. Condez, Culasi.
Suno sa imbestigasyon, mainit nga argumento ang nagtuhaw sa tunga kang suspek nga sa idalum kang impluwensya kang makahurubog nga irimnon kag kay Roland Tamba kung sa diin nagtambag ang biktima kag hinali lang nga ginbuno kang suspetsado.
Insigida nga gindara ang biktima sa Culasi District Hospital samtang padayon naman ang hot pursuit operation para sa pagdakup kang nakapalagyo nga suspek.