Nagpaathag ang Sk Chairman sang Brgy. Blasco, Pilar may kaangtanan sa nag-viral nga video sang iya pagbunal-patay sa ido sadtong tinalikdan nga Mayo 8.
Suno kay Carlo Dave Bacay, ginpadulungan siya sang tag-iya sang ido nga si Christine Bacalangco kun sa diin nagpangayo ini sang bulig bangud nagbuang ang sapat nga ila hinuptan. Sa pagkabalaka nga makakagat ini sang iban pa nga sapat kag makahalit sa mga tawo, nadesisyonan nalang nga patyon.
Nagapangayo man sang pasensya si Bacay sa mga pet lovers nga naapektuhan sang hitabo bangud intensyon lamang sini nga maproteksyonan ang mga pumuluyo ilabi na ang iya pamilya. | Judy Ann Juare
