Napasakaan na sang kaso nga theft ang isa ka lalaki nga nagpangawat sang cellphone sa Barangay Doyuc, Dao, Capiz.
Matandaan, ginkilala ang suspek kay Edgar Paitone Alyas “Moymoy”, 24-anyos kag residente sang Barangay Quinayuya sa nasambit nga banwa.
Sandig sa impormasyon nagikan kay PSSG. John Ray Tercero, imbestigador sang Dao Municipal Police Station, ginsulod sang suspek ang balay ni Steve Vinson Ebron, 36-anyos.
Ginapahayag nga nagasag-ob sa bubon ang biktima apang sang ini ang nagpauli na nadakpan sini ang suspek nga nagsulod sa iya balay matapos nag-agi sa likod nga porsyon.
Ginkuha sang suspek ang duha ka cellphone kag nagpalagyo sa may katubuhan.
Ginlagas ini sang biktima kag gilayon nga nagtawag sa kapulisan agud i-report ang natabo.
Matandaan, si alyas Moymoy man ang nagpangawat sang grills sa sulod sang sementeryo sa banwa sang Dumalag.
Sa karon, nagapabilin sa kustodiya sang Dao PNP ang suspek para sa nagakaigo nga disposisyon. | Judy Ann Juare
