Boluntaryo nga ginsungka sang isa ka negosyante ang 1 unit Colt caliber .45 Pistol with serial number, may magazine apang wala sang bala sa Panay Municipal Police Station, kahapon sang Huwebes, Enero 18.
Ginkilala ang nagsungka sang armas-luthang kay alyas Liza, 55-anyos, residente sang Brgy. Bago Chiquito, Panay, Capiz.
Ang nasambit nga armas ang ginapanag-iyahan sang iya mister nga si alyas Arnold.
Resulta ini sang ginpasangkad nga kampanya sang kapulisan nga Tokhang Kontra Armas Luthang ukon (TKAL).
Sa karon, nagapabilin ang armas sa kustodiya sang FESAGS Division sang Panay MPS para sa nagakaigo nga disposisyon. | Judy Ann Juare
