San Jose de buenavista- Arestado ang sangka lalaki matapos nga magpakuno-kuno nga puli kang nagsulod sa Municipal Economic Enterprise and Development Office sa bahin kang Business Park, Brgy. 5, San Jose ginaburubanta las-5:25 kang tinalikdan nga Mayo 25.
Ginkilala ang suspetsado kay Alexis Mellevo, 48-anyos, kasado, tricycle driver, kag residente kang Brgy. Funda-Dalipe, San Jose.
Suno sa imbestigasyon,nagsulod sa MEEDO office ang nasambitan nga lalaki nga nagpakilala pulis kag nagpakita pa dya kang anang armas nga nataklus sa anang kilid. Gilayon nga nagresponde ang mga otoridad para sa negosasyon apang wara dya nagkooperar kag nagpanago pa sa poste kang nasambitan nga building apang wara gihapon dya makaluwas.
Bangud kadya, narekober sa suspek ang sangka Unit kang caliber 32 Revolver lakip man ang sangka bala.Gilayon gindara ang suspetsado sa San Jose MPS kag magapangatubang sa nagakaigo nga kaso.