PATAY ang usa ka lalaki nga nagamaniho sa tricycle pauli sa ilang balay sa Purok Emillana, Barangay Calumpang pasado alas 12 sa gabei Nobyembre 26 sa kasamtangan nga tuig.
Subay sa report sa Tambler PNP ang biktima naila sa pangalan nga Anatolio Fajardo Jr. 30-anyos, minyo, usa ka driver nga nagpuyo sa lugar.
Naabtan sa pulis nga nagahigda sa yuta ang biktima nga wala nay sign of life mao nga nitawag sila og SOCO aron maproseso ang crimescene.
Sa pasiunang imbestigasyon pauli na ang biktima sa ilang balay sakay sa tricycle apan pag-abot sa Purok Emillana duol sa ilang balay adunay mga buto sa armas,n aigo ang biktima sa liog ug sa tiil, nakadagan pa kini padulong unta sa ilang balay apan natumba na sa yuta.
Nakuha sa SOCO sa crime scene ang duha ka slug sa gidudahan nga gikan sa kalibre .38 revolver nga armas.
Samtang wala pa nailhan ang namusil kay Fajardo ug ginasusi pa ang tinuod nga motibo sa kremin, gidala usab dayon sa punerarya ang lawas sa biktima ug didto na gihimo ang post mortem examination. ( Ver Diazon)
