MALAMPUSON ang gipahigayon nga simulation and demonstration teaching sa DepEd ug sa PTA officials sa FVR Village Fatima Elementary School ug sa umaabot nga Desyembre 1 sugdan na ang Radio Based Education nga adunay interaction sa magtutudlo ug sa mga bata apan walay face to face nga klase.
Sa kumpermasyon sa principal sa tulunghaan nga si Arnel Antiporda sa karon aduna nay Radio Based ang eskwelahan ug ang mahimo sa ginikanan mao nalang ang pagpalit og radio aron maka tune in sa frequency aron magamit sa ilang klase.
Gidugang ni Antiporda nga nagapadayon ang ilang orientation sa mga magtutudlo, mga ginikanan ug mga bata aron makahibalo sa paggamit sa radio transceiver.
97 porsyento na daw sa mga magtutudlo sa FVR ang gusto nga mosulay sa mao nga modality aron adunay interaction sa ilang mga bata.
Gipklaro ni Antiporda nga walay pinugsanay sa mao nga modality ang nakapabor lang niini makapangutana na ang mga bata sa ilang magtutudlo ug dili na maproblema ang ginikanan nga ngalisod usab sa mga topic sa module.
Pwede man daw sila nga maglingkod lang sa ilang opisina apan ilaha usab daw ginapaminawan ang hangyo sa mga ginikanan nga gikapoy na sa module, mamahimo usab daw nila nga magamit ang ilang radio sa panahon sa emerhensya alang sa komunikasyon.
Tungod niini naga hangyo ang principal sa FVR Fatima Elementary School sa mga ginikanan nga suportahan ang laing modality nga ilang gamiton alang sa pagkat-on sa mga kabataan.
Kahibaluan nga gihatagan sab ug Libreng usa ka Oras nga Air Time sa 89.5 Brigada News FM Gensan ang DepEd Gensan alang sa Radio Based Instruction ug live nga nagaprograma ang mga mantutudlo mismo sa Studio sa Brigada News FM Gensan matag alas tres sa hapon kutob alas kwatro sa hapon. ( Ver Diazon)
