Arestado sang mga kapulisan ang isa ka lalaki matapos ginkasahan sang drug buy bust operation sa Brgy. Nasunugan, Dao, Capiz.
Ginkilala ang arestado kay Roy Salvador, 53-anyos, residente sang Brgy. Balucuan sa nasambit nga banwa.
Narekober sa paghinakop kag posisyon ni Salvador ang tatlo ka sachets sang ginapatihan shabu, P1,000 nga buy bust money, isa ka cellphone kag pila ka mga drug paraphernalia.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang nadakpan.
Sa karon, nagapabilin na sa kustodiya sang Dao PNP ang suspek para sa nagakaigo nga disposisyon. | Judy ann Juare
