Naila na ang usa ka lalaki nga biktima sa pagpamusil-patay sa Baculio St. Barangay 21 ning syudad sa Cagayan de Oro, Hulyo 31, 2024.
Giila ang biktima nga si John Rey Demicillo, 24-anyos, driver sa jeep ug residente sa St. John, Barangay Puntod ning syudad.
Basi sa inisyal nga imbestigasyon ni Puntod Police Station Commander- Major Rutherford Ondin, nga giingong nagbaklay ang biktima gikan sa dalan Corrales Extension padulong sa Baculio Street, sa dihang kalit nga nadunggan sa mga residente ang usa ka buto sa armas, nasuta nga nagbuy-od na ang biktima nga adunay samad pinusilan sa dughan.
Dako ang pagtuo sa uyuan sa biktima nga si Edgardo Demicillo, nga usa sa hinungdan sa pagpatay sa iyang pag-umangkon ang petisyon legal matud pa sa Barangay batok sa ila kanhi silingan.
Sa karon, mas gipalawman pa sa PNP-Puntod ang imbestigasyon sa maong insidente.
