Gidasig karon sa lokal nga panggamhanan sa Cagayan de Oro ang tanang mga jobseekers o mga nangitag trabaho nga pahimuslan ang labing una nga Higalaay Mega Job Fair.
Sigun sa LGU, nga ipahigayon kini sa Agosto 22, 2024 sa 2nd floor vacant space sa Robinsons ning syudad ug parte kini sa mga nakahan-ay nga special events sa Higalaay Festival 2024.
Gilauman nga musalmot ang 75 ka mga local partner industries ug 25 ka mga overseas recruitment agencies.
Ang nahisgutang Mega Job Fair, gipangunahan sa Job Placement Bureau – Public Employment Service Office CDO kaabag ang Department of Labor and Employment ug Department of Migrant Workers.
