Patay ang isang lalaki matapos itong magulungan ng truck sa Barangay Bukal, Buenavista, Quezon nitong Lunes, Nobyembre 4.
Lumalabas sa imbestigasyon ng mga awtoridad na sinubukan umanong mag-overtake ng motor na minamaneho ni alyas “Melvin” sa truck subalit dumulas ito.
Doon na nagulungan ng kaliwang gulong sa unahan ng truck ang biktima na naging sanhi ng agarang pagkamatay nito.
Samantala, sugatan din sa aksidente ang noo’y backrider ito na 11-anyos na bata kung kaya isinugod ito sa hospital para malapatan ng lunas.
Sa ngayon, nasa kustodiya ng mga awtoridad ang driver ng naturang truck.
