LEGAZPI CITY – Makalihis an 11 taon, kapot na kan mga otoridad an 43 anyos na lalaking suspetsado sa kasong robbery with rape sa Purok 3, Brgy. Kimantong, Daraga, Albay.
An suspek, residente kan kaparehong barangay.
Susog sa impormasyon, naarestar ini sa kusog kan mandahamiento de aresto para sa nasambitang kaso na pirmado pa kan Marso 22, 2012.
Warang pigrekomendar na piyansa an korte para sa saiyang temporamenteng libertad.
Nasa kostudiya naman kan Daraga MPS an suspetsado para sa magkakanigong disposisyon.
