LEGAZPI CITY – Kapot na ngunyan kan mga otoridad an 51 anyos na lalaking responsable sa kasong rape asin lascivious conduct sa syudad kan Ligao.
An nasambitan na suspetsado, igwa nin agom asin resigente kan Brgy. Tuburan, kan kaparehong syudad.
Basado sa report, naarestar ini sa paagi kan mandahamiento de aresto para sa duwang nasambitan na kaso, kun sain an kasong rape na nasa irarom kan Paragraph 1 (A) kan Article 266-A kan Revised Penal Code na pig-amyendaran kan RA 8353, wara nin pigrekomendar na piyansa.
Asin an saro pang kaso na lascivious na conduct na nasa irarom kan Sec. 5 (B) kan RA 7610, igwa nin piyansang maabot sa PHP200,000.
Nasa kostudiya naman kan Ligao CPS an suspek para sa magkakanigong disposisyon.
