LEGAZPI CITY – Inarestar kan mga otoridad an lalaking wanted sa magagabat na kasong pang-aabuso nin menor de edad asin pirang punto nin acts of lasciviousness sa Brgy. Poblacion, banwaan kan Guinobatan, Albay.
Binisto an akusadong si alyas “Jade”, 22 anyos asin residente kan Brgy. Basud, banwaan kan Polangui kan kaparehong syudad. Pinangenotan kan Polangui PNP an pagdakop sa akusado sa kusog kan mandahamiento de arestado para sa nasambit na kaso o pagbalgar sa Article 266-A (2) kan Revised Penal Code na inamyendahan kan RA 8353 na may kinaraman man sa Section 5-B kan RA 7610 asin tulong punto nin acts of lasciviousness na may kinaraman sa Section 5-B kan nasambit na ley.
An nasambit na kaso, pararehong wara nin piyansa.
Kapot naman kan nasambit na hepatura an akusado para sa magkakanigong disposisyon.
