Patnongon, Antique – Gindara sa Patnongon Municipal Police Station kag ginturn-over sa MENRO Patnongon si Artemio Adao, 55 anyos, chainsaw owner kag operator, samtang at large sa kadya si Nonita Malamid, 58 anyos, tag-iya kang lote kag nakumpiska nga mga gin-utod nga puno, lunsay mga residente kang Sitio Catwayan, Brgy. Poblacion, Patnongon, Antique kahapon nga adlaw, Mayo 22, las-10:30 sa aga bangud sa iligal nga pag-utod kang puno.
Suno sa impormasyon, nagpatigayon kang Intel driven operation ang MENRO Patnongon kaimaw ang Patnongon MPS sa nasambit nga lugar sa diin natigayon nga makumpiska ang mas o menos 50 board ft. kang mahogany trees nga may balor P1,750 kag sangka chainsaw.
Natukiban man nga wara kang naga kaangay nga dokumento ang mga persona para sa nasambit nga aktibidad.
