LEGAZPI CITY – Gadan an sarong lalaki sa insidente nin pambabadil sa Purok 1, Brgy. San Isidro, Oas, Albay.
Binisto an biktima na si alyas Enteng, nasa 40 anyos, may agom, warang trabaho, mantang an suspek iyo si alyas Onin, nasa 37 anyos, single, warang trabaho – an mga personang ini parehong residente kan Brgy. San Juan kan kaparehong banwaan.
Sa report kan mga otoridad, base sa pahayag kan witness, nagkainitan su boot an duwa na nag-udyok sa suspek nganing badilon an biktima asin tinamaan ini sa tulak.
Naidalagan man kuta sa Josefina Belmonte Duran Albay Provincial Hospital an biktima alagad ideneklara ining dead on arrival kan attending physician, mantang an suspek, duminulag asin narekober sa lugar an empty bullet casings hale sa Kalibre 45 badil.
Sa ngunyan, padagos an imbestigasyon asin paghahanap kan mga otoridad sa suspek nganing hampangon an saiyang kaso.
