LEGAZPI CITY – Ipinaliwanag kan Department of Health Bicol an pagdakol nin mga kaso nin dengue sa rehiyon puon kan bulan nin Enero-Hulyo ngunyan na taon.
Sa datos kan DOH Bicol, Albay an may pinakadakulang paglangkaw nin dengue cases na uminabot sa 255% na katumbas ki 71 cases.
An Camarines Norte igwa nin 186 cases 98% increase, Camarines Sur na may 288 cases o 68% increase, Catanduanes na may 135 cases o 8% increase, Masbate na may 44 cases o 10% increase asin an Sorsogon na may 67 cases o 28% increase.
Sa kabilugan, haros uminabot sa 795cases an nairehistro sa rehiyon o 48% increase.
Segun kay Dr. Jannish Alcala Arellano, Medical Officer IV, head kan Infection Disease Cluster kan ahensya, an paglangkaw na ini dara kan naeksperyensyahang pag-uran kan Enero asin Hulyo o an paglaog kan rainy season.
Dugang pa digdi, uminambag man an su dai maray na nakakapaglinig sa palibot na posibleng mga nagin istaran kan mga namok.
Sa surveillance sa mga barangay na may halangkaw na kaso, napag-araman na dai na epektibo an pagsasagibo nin fogging asin misting huli ta dai naman pigtatablahan an mga namok asin mas maray kun haharalion an pig-iistaran kan mga lamok nganing dai na magdakol pa.
