NAGA CITY- Fully booked na ang ilang mga malalaking hotels sa Naga City para sa Peñafrancia Festival 2024.
Ito ang kinumpirma sa Brigada News FM Naga ni Coun. Jess Albeus. Kasama sa mga puno na ang Villa Caceres at Avenue Plaza Hotel mula Traslacion Procession, Military Parade at Fluvial Procession.
Itatakda ang inspeksyon ng pinag-isang mga opisina sa mga hotel pati mga accommodations sa mga susunod na linggo. Titingnan ang kalinisan, kaligtasan , tibay ng mga building o gusali at marami pang iba.
Inaasahan ng LGU Naga na darami pa ang mag papa-book dahil marami ang mga aktibidad; religious at civic events na inihanda lalo na’t ipagdiriwang ng Bicolandia ang ika- 100 na anibersaryo ng Canonical Coronation ni Inang Peñafrancia.
