Arestado sa ginpatigayun nga drug buy bust operation ro sangka eaeaki sa Sitio Angol Brgy. Manocmanoc sa isla it Boracay.
Ginkilaea ro inarestong si Earnest Paul Verano ‘alyas’ Ambo, native it Manila ag temporaryong nagaistar sa Sitio Bulabog Brgy. Balabag sa isla it Boracay.
Gindakop raya samtang nagabaligya sa sangka poseur buyer it ap-at nga sachets it marijuana nga nagabalor it P800.
Sa ginpatigayun man nga body search kay Verano hay naboe-an man raya it daywang sachets it marijuana nga nagabalor it P492.
Sa makarun hay ginkulong raya sa Malay Custodial Facility ag paga pasakaan it kasong pag eabag sa RA 9165 o Comprehensive Dangerous Drugs Act of 2002. / ANN DESLENE SALAZAR
