LEGAZPI CITY – Arestado an sarong lalaki sa buy-bust operation na ikinondusir kan mga operatiba sa Brgy. Batang, syudad nin Ligao sa probinsya kan Albay.
An suspek, sarong 38 anyos na soltero asin residente kan kaparehong syudad.
Sa report kan Ligao City PNP, naisagibo an operasyon huli sa pinagsarong esfuerso kan nasambit na hepatura asin Albay 2nd PMFC sa pakikipagtabangan sa PDEA Albay.
Sa operasyon, nakumpiskar sa suspek an limang pidaso nin saradit na sachet nin pinagtutubudang “shabu” asin PHP500 buy-bust money.
Nahahampang ini sa kasong pagbalgar sa RA 9165 o Comprehensive Dangerous Drugs Act of 2002 asin nasa kustodiya na kan pulisya para sa magkakanigong disposisyon.
