LEGAZPI CITY – Dakop an sarong lalaki sa ikinondusir na drug buy-bust operation sa Purok 2, Brgy. Balza, Malinao, Albay.
An 30 anyos na suspek, sarong street level individual, college graduate, may ka-live in, paratinda asin residente kan Purok 8, Brgy. Tagoytoy kan nasambit na banwaan.
Basado sa report, ikinondusir kan Malinao MPS Municipal Drug Enforcement Unit an operasyon sa pakikipagtabangan sa PDEA Bicol na nagresulta sa pagkakaarestar sa suspek, kun sain nakumpiskar an apat na sadit na selyadong sachets asin sarong selyadong sachets nin iligal na droga na may timbang na poko mas omenos 2 grams na may kantidad na PHP13,600 karibay nin sarong genuine PHP500 bill na buy-bust money asin apat PHP500 bill na boodle money.
Nasa kustodiya na kan nasambit na hepatura an suspek pati an mga ebidensya para sa magkakanigong disposisyon.
