LEGAZPI-Arestado an sarong 28 anyos na lalaki sa kinundusir na drug buy-bust operation sa laog kan sarong lodging house sa Purok 1 Brgy. Market Site, banwaan kan Daraga, Albay maala una nin aga kasubago.
Nabisto an suspek na si Nikie Graceda Losande, warang trabaho, ma residente kan Brgy. Cabangan syudad kan Legazpi.
Sa kinundusir na operasyon kan mga otoridad sa pangengenot kan Daraga PNP, nadakop an suspek sa room number 2 kan nasambitan ng lodging asin narekober saiya an maabot sa apat na heat-sealed transparent plastic sachets nin pigtutubudang shabu; 1, 500 pesos kaibahan na ang buy bust money asin sarong cellphone.
Sa ngunyan nasa kustodiya ng kan Daraga MPS an suspek para sa inquest proceedings mantang pagbayolar sa Sec. 5 asin 11 kan republic act 9165 an kakahampangon kan suspek/
