LEGAZPI CITY – Sa karsel an bagsak kan 43 anyos na lalaki makalihis na arestaron kan mga otoridad sa sarong operasyon kontra iligal na droga sa Purok 7, Brgy. Gabon, banwaan kan Polangui, Albay.
Binsito ining si alyas “Noy”, may agom asin residente kan Zone 6 kan kaparehong barangay.
Sa sinagibong operasyon kan Polangui MPS asin PIU Albay, narekober sa suspek an sarong poko mas omenos 0.5 grams na sachet nin pinagtutubudang “shabu”, kaibahan an sarong PHP1,000 bill, sadit na tube pipe na naglalaog nin mga dahon nin marijuana asin duwa pang sachet nin “shabu” na may timbang na 0.9 grams asin nagkakantidad nin labi PHP6,000.
Kapot na ini kan mga otoridad para sa magkakanigong disposiyon.
