LEGAZPI CITY – Sinairarom sa tulong aldaw na youth leadership summit an nasa 54 Sangguniang Kabataan (SK) Chairman hale sa manlaen-laeng barangay sa banwaan kan Daraga, Albay.
Tuyo kan aktibidad na makapagtao nin bastanteng kaaraaman orog na pag-abot sa leadership skills sa paagi nin oryentasyon, lecture, mural painting, logo-making asin pagtukdo sa paggibo nin project proposal.
Mientrastanto, pinangenotan ini kan 31st Infantry Battalion, 9th Infantry Division, Philippine Army, kasarabay an manlain-laing mga departamento kan lokal na gobyerno.
