LEGAZPI CITY – Arestado an sarong lalaki na dayo man sana sa Purok 3, Brgy. Kilicao, banwaan kan Daraga, Albay makalihis na maaktuhan ining nagagamit nin iligal na droga sa maawot na parte kan barangay.
Segun sa report, lagpas alas 12 nin pagkaugto kasuudma kan maglibot-libot an barangay tanod na si alyas Rommel sa lugar, kun sain nahiling kaini an suspek na si alyas Richard, 28 anyos asin residente kan Brgy. Bañadero kan kaparehong banwaan, na nakatago sa maawot na parte asin naggagamit ki droga.
Uminabot man tulos an mga pulis makalihis maghagad nin asistesnya an tanod, asin narekober sa suspek an sarong sachet nin pigtutubudang shabu, aluminum foil na gamit na, motorsiklo asin iba pang non-drug items.
Nasa kustodiya na ini ngunyan kan pulisya para sa magkakanigong disposisyon.
