LEGAZPI CITY – Pinatanidan ni Kapitan Arnel Baliduya kan Brgy. Kilicao, Daraga, Albay an saiyang mga residente pati naman an mga minadayo sana nin huli sa paggamit nin iligal na droga.
Segun sa opisyal, dae niya tutugutan an siring na bagay na ikakaraot kan saiyang barangay asin ioorden niya an mga tanod na rondahan an mga lugar na posibleng taguan kan mga magaramit.
Tinawan doon ni Baliduya, mahigot na ipinagbabawal an paggamit nin iligal na droga orog na sa mga kaakian.
Iniheras man kaini na nagin marhay man an saiyang barangay sa pagpautob kan mga lakdang kontra droga, kun sain nasa labi 70 an drug surrenderees sa barangay asin deklarado na komo drug-cleared barangay.
