KAPIN sa 100 na usab ang natabangan sa KaBrigadahan GenSan tungod sa pagtinabangay sa mga miyembro.
Sa programa niadtong Sabado, gipangunahan ni Brigada Elmer V.Catulpos ang pagpasalamat sa tanang miyembro nga padayun sa ilang pagtabang aron matigom ang kapin P400,000 nga kantidad gikan sa mga miiyembro nga gibahin sa nangayo og tabang, alang sa pangpaospital, tambal ug uban pa gikan sa lima ka areas.
Ang tulo nga nagpasalamat mao si Jessica Abando nga alang sa bayad sa balance sa ospital tungod sa anak nga naoperahan sa hernia, si Rosalina Salili nga naoperahan usab sa iyang tiil ug si Jan Lee Cuizon alang sa iyang duha ka bulan nga anak nga nagpositibo sa COVID-19 apan naulian na ug ang balance sa ospital ang maoy gipangitaan og pamaagi nga mabayran.
Ang tulo, nga pipila ka bulan na usab nahimong miyembro sa KaBrigadahan GenSan ang wala miapil sa maong programa nga walay gihunahuna nga sila matabangan ug gusto lang unta motabang apan karon, natabangan mao nga hugot silang nagpasalamat ug giawhag ang uban nga magpamiyembro tungod tinud-anay nga motabang.
